Ua trentia de cans damb es sòns proprietaris an desfilat ena plaça dera glèisa de Vielha entà sensibilizar ara societat d’un des problèmes que mès afècten as animaus ena actualitat: er abandonament des mascòtes.

Un acte qu’a amassat a desenes de persones que non an dobtat a apuntar-se ara desfilada e ara passejada des animaus, tà reivindicar es drets d’aguesti peluts.

Aguesta prumèra grana desfilada d’animaus que se celèbre en país a compdat tanben damb er aufriment d’un vrespalh solidari entà dar supòrt ara Associacion 4 Pautes, que dejà se trape en tot pensar naui eveniments entà auançar en foment dera adopcion des animaus e lutar contra eth maltracte animau.

Ua tarde ena que non s’a parat d’escotar as cans lairar de felicitat en centre de Vielha, e ua tarde ena que s’an trapat istòries tan polides coma aguesta.

Ja ac didec en sòn temps eth filosòf Kant: "Podem jutjar eth còr d'ua persona pera forma en que tracte as animaus". Sense dubte, quauquarren tà reflexionar.