ACTUALITAT
Talhèrs de prevencion des adiccions as drògues en Institut d'Aran
24/02/2018
Era Oficina de Joenessa d’Aran amassa damb eth Servici Aranés de Benèster e Salut (SABS) realizen en Institut d’Aran diuèrsi talhèrs de prevencion dera salut centrats ena prevencion des adiccions as substàncies tòxiques e adictives.
Ath long deth cors escolar s'hèn dues sessions damb es alumnes deth centre, damb er objectiu de favorir eth procès de reflexion critica, aumentar era percepcion de risc associat ath consum de determinades substàncies, evitar o retardar er inici deth consum e refortilhar positivaments era opcion des joeni non consumidors.
Eth vicesindic d’Aran i conselhèr de Joenessa, Luís Carlos Medina, expliquèc que “era realizacion d'aguesti talhèrs en INS d’Aran, arrespon ath hèt de facilitar as alumnes es estruments que les permeten préner decisions de manèra arrasonada deuant ua situacion d'aufèrta de drògues e qu'agen ua informacion de qualitat que les permete escuélher e èster consequents damb era sua decision”.
Se trabalhe damb diuèrses metodologies e damb professionaus der àmbit dera salut e de politiques juveniles damb coneishements ena matèria e en desvolopament d'aguestes activitats.
Entre eri, Estefania Revilla, educatritz sociau e Tecnica de Joenessa deth Conselh Generau d’Aran, Marta Pàmies, medicau e Francisco Maranges, infermièr d'Atencion Primària der Espitau dera Val d’Aran.
En tot depéner deth cors se trabalhen aspèctes concrèts: en 1èr d'ESO era introduccion ath concèpte dròga, tipe, mites e credences. En 2au d'ESO es efèctes e conseqüéncies der alcoòl e tabac. En 3au d'ESO: se rebalhe era pression de grop, e en 4au se parle sus cannabis: efèctes, conseqüéncies e pression de grop.
IMATGES: CONSELH GENERAU D'ARAN
Ath long deth cors escolar s'hèn dues sessions damb es alumnes deth centre, damb er objectiu de favorir eth procès de reflexion critica, aumentar era percepcion de risc associat ath consum de determinades substàncies, evitar o retardar er inici deth consum e refortilhar positivaments era opcion des joeni non consumidors.
Eth vicesindic d’Aran i conselhèr de Joenessa, Luís Carlos Medina, expliquèc que “era realizacion d'aguesti talhèrs en INS d’Aran, arrespon ath hèt de facilitar as alumnes es estruments que les permeten préner decisions de manèra arrasonada deuant ua situacion d'aufèrta de drògues e qu'agen ua informacion de qualitat que les permete escuélher e èster consequents damb era sua decision”.
Se trabalhe damb diuèrses metodologies e damb professionaus der àmbit dera salut e de politiques juveniles damb coneishements ena matèria e en desvolopament d'aguestes activitats.
Entre eri, Estefania Revilla, educatritz sociau e Tecnica de Joenessa deth Conselh Generau d’Aran, Marta Pàmies, medicau e Francisco Maranges, infermièr d'Atencion Primària der Espitau dera Val d’Aran.
En tot depéner deth cors se trabalhen aspèctes concrèts: en 1èr d'ESO era introduccion ath concèpte dròga, tipe, mites e credences. En 2au d'ESO es efèctes e conseqüéncies der alcoòl e tabac. En 3au d'ESO: se rebalhe era pression de grop, e en 4au se parle sus cannabis: efèctes, conseqüéncies e pression de grop.
IMATGES: CONSELH GENERAU D'ARAN
Clara Villar