Se restablís eth pas peth dessús deth barranc Margalida, en Camin Reiau

13/05/2018

Eth pas en Camin Reiau peth punt deth barranc Margalida, plaçat en municipi de Bossòst, torne a èster dubèrt dempús de qu'un des vesins afectadi, Perfecto Brea, que s'auie vist privat ar accés ara sua finca, bastisse un pònt provisionau

Rebrembam qu'es intenses ploges des darrèri dies e eth procès de desgèu pròpi dera epòca ocasionèren qu'eth barranc Margalida se desbordèsse e se saturèsse. Er Ajuntament de Bossòst, en ua intervencion d'emergéncia, considerèc oportun trincar era estructura de hormigon, que permetie eth pas peth camin, atau coma eth tuèu que canalizaue aguesta aigua.

Er Ajuntament de Bossòst dejà se trape trebalhant amassa damb eth Conselh Generau d'Aran entà trapar ua solucion definitiua ath problèma.
Laura Rodríguez