Pendent aguesta net s’a produsit un gran esbauçament en ua des montanhes dera ribèra de Valarties per causes qu’encara s’estàn estudiant.

Aguest esbauçamet s’a originat a mens d’un quilomètre deth pòble d’Arties e a afectat ara pista Valarties, qu'en aguest punt a quedat enterrada jos diuèrsi mètres de tèrra.

Entre es afectacions mès importantes se i trape era trencadura d’un des supòrts dera linha electrica e bèth possible damatge as depausi d'aigua potabla d'Arties.

Er embauçament au mens aurie afectat a mès de 200 mètres dera pista, lo que la convertís en inaccessibla, en tot proïbir eth pas a desenes de proprietaris de prats e finques dera zòna e incomunicar era Bòrda de l’Artiga de casa Irene.

Peth moment, es tecnics seguissen analizant eth terren tà trapar es causes d’aguest esbauçament, ath temps qu’es maquines dejà an començat es trebalhs de neteja dera pista.