Encara se contunhe ara demora dera naua pista de gèu que cedirà er Ajuntament de Barcelona a Vielha dempús de qu’eth consistòri municipau se vedesse obligat a barrar de forma indefinida era pista deth Palai de Gèu eth passat mes de junh.

Eth motiu ei que se trapèc ua grèu pana en sòn sistèma de refrigeracion.

Aguest ei un des ahèrs d’urgéncia der Ajuntament de Vielha e Mijaran pr’amor qu’era manca de pista de gèu afècte de forma dirècta as patinadors e patinadores deth CEGVA atau coma as membres des equipes de Hockey e Curling dera Val d’Aran, que se ven obligats a organizar stages es dimenjades en d’autes pistes de gèu coma Jaca o Andòrra entà contunhar damb es sòns entrenaments.

Ua problematica que, se demore, sigue apraiada çò de mès lèu possible.