Proteccion Civiu torne a activar eth Plan Inuncat

13/06/2018

A causa des ploges queigudes pendent es darrères ores en territòri, Proteccion Civiu a tornat a activar eth Plan Inuncat (Plan Especiau d'Emergéncies per Inondacions) en fasa de Pre-Alèrta pera creishuda des arrius en tota era Val d'Aran.

Deuant dera persistencia des ploges pendent aguest maitin, era companhia Endesa a activat eth sòn pròpri Plan d'Emergéncia en coordinacion damb era Confederacion Idrografica der Ebre (CHE).

Eth Conselh Generau d'Aran manten eth contacte permanent damb toti es ajuntaments aranesi, as quaus a comunicat era activación d'aguesti dus plans d'emergéncia. 

Eth sindic d'Aran, Carlos Barrera a comunicat qu'eth Conselh dejà a realizat ua prumèra accion en arriu Varradòs e manten ua maquina giratoria de restanca ena poblacion d'Era Bordeta, per se siguesse de besonh actuar en aguest punt deth cors der arriu Garona.

A causa der augment deth nivèu d'aigua der arriu Garona, er Ajuntament de Les a restringit eth pas preventivament en tram de Camin reiau (tarcomèr Cledes a Centrau). 

IMATGES: CONSELH GENERAU D'ARAN
Clara Villar