Eth pròplèu 23 d’octubre aurà lòc eth prumèr Job Dating dera província de Lhèida, en Palai d’Espòrts de Vielha.

Un eveniment organizat peth Servici Public d’Aucupacion de Catalonha (SOC) de Vielha en collaboracion damb eth Grèmi d’Ostalaria dera Val d’Aran e er Ajuntament de Vielha e Mijaran, que preten favorir eth contacte entre enterpreses e possibles trebalhadors.

Eth principau motiu entara celebracion d’aguest Job Dating ei era gran auferta de lòcs de trebalh dera Val d’Aran pendent era sason d’iuèrn.

Peth moment, se compdarà damb era preséncia confirmada de mès d’ua vintea d’enterpreses. Tanben i an estat convidadi es alumnes de formacion professionau des Instituts d’Aran e Pònt de Suert.

Aguest Job Dating aurà lòc eth 23 d’octubre, de 09:30 a 13:00, e toti es interessadi auràn de portar eth sòn Curriculum Vitae, pr'amor que se pòden generar entrevistes de trabalh, ua grana oportunitat entà qu’enterpreses e trebalhadors poguen auer un escambi dirècte d'interèssi.