Presentacion dera candidatura de Paco Bruna per UA ath Naut Aran

08/04/2019

Eth passat 5 d’abriu auec lòc ena Sala Sociau de Gessa era presentacion dera candidatura d’Unitat d’Aran ara alcaldia de Naut Aran.

Pendent er acte, se remerquèc qu’aguesta candidatura, entestada per Paco Bruna, cerque, sustot, dar importància ath sòn projècte e ar equip uman que le conforme.

S’hèc un repàs dera actuacion d’UA ena oposicion der Ajuntament de Naut Aran aguesti darrèri quate ans, atau coma ua petita introduccion as propòstes mès destacades dera candidatura.

Se volec tanben destacar eth besonh deth cambi en aguest consistòri.

A manca de pòc mès d’un mes entad aguest 26 de mai, es diuèrses candidatures as ajuntaments municipaus e Conselh Generau van, pòc a pòc, hènt es sues presentacions entà arténher es milhors resultats possibles.

Clara Villar