Prèmis de Viles Florides en nòste país: 4 flors tà Bagergue, 3 flors tà Arties, 2 flors tà Vilac e 1 flor tà Canejan

16/10/2019

Bagergue ac a tornat a hèr: a ratificat es 4 flors d’aunor que dejà artenhec est an passat en eth certamen de Viles Florides

Un totau de 134 localitats de tota Catalonha an participat en Viles Florides, mès sonque 13 d’eres an artenhut era maximala distincion, Bagergue entre eres

Lloret de Mar siguec enguan era sedença a on se i autregèren es prèmis de Viles Florides. Ath delà, coma nauetat en aguesta darrèra edicion, Olot arrecebec era Flor d’Aur 2019, ua naua reconeishença que distinguís eth municipi que melhor a trabalhat eth sòn verd urban.

En çò que tanh ath nòste país, non sonque Bagergue a estat premiada en Viles Florides. Era localitat d’Arties siguec guardonada damb 3 flors, en tot ratificar eth resultat d’est an passat

Vilac, qu’ena darrèra edicion arrecebec un prèmi especiau de participacion ciutadana, enguan a debutat en Viles Florides en tot arténher 2 flors d’aunor.

Peth sòn costat, Canejan artenhec ua flor d’aunor.

Eth movement VILES FLORIDES preten méter en valor era riquesa naturau e eth païsatge deth país. Mejançant era reconeishença publica d'aguesti projèctes de jardinería, ornamentacion florau, mobiliari urban e espacis ludics, se cerque eth desvolopament dera economia locau.

Laura Rodríguez