ACTUALITAT
Nombroses partides deth Conselh entara milhora de carretères e pistes forestaus
10/03/2018
Eth Conselh Generau d'Aran e er Ajuntament de Naut Aran an signat un convèni entà engodronar era pista d'Aiguamòg e milhorar atau eth sòn accès e seguretat. Un trebalh entath quau se destinaràn un totau de 60.000 euròs.
Ath delà, eth Govèrn a aprovat dejà era adjudicacion dera prumèra fasa des òbres dera carretèra de Mont e Montcorbau ara enterpresa Construccions Pirineu 2001 SL. Ues òbres que compdaràn damb un pressupòst de 265.000 € e que consistiràn en aishamplament deth viau que ges dera madeisha rotonda de Vilac atau coma dera carretèra enquiath crotze deth pòble de Mont, donques aguest punt dera carretèra presente eth traçat e es amplades originaus, damb ues condicions de servici que non son adaptades as besonhs de mobilitat existenta actuauments.
Se destinaràn 50.000 € as trabalhs de melhora deth camin d’accès a Arres de Sus a compdar deth nuclèu de Bossòst, consistenti e arranjament de dus trams deth camin vesiau.
En aguestes accions cau ahíger qu'era Comission de Servicis Tecnics dera Deputacion de Lhèida aprovèc eth passat mes de hereuèr era dusau fasa deth projècte entara melhora d’un tram de quasi 3 km dera de Vilamòs e Arres. Era accion consistirà ena melhora, condicionament, aishamplament e arranjament deth tram e compdarà damb ua inversion de 1.828.343,19 €.
Fin finau, eth Conselh Generau d’Aran destinarà enguan 1.400.000 € deth pressupòst ara mantenença e melhora des pistes forestaus d’Aran. Ena Vau d’Aran i a apròp de 400 km de pistes forestaus, des que 164 km passen per masses d’arbes des montanhes, que hèn possible er accès as paratges mès emblematics deth país.
IMATGE: CONSELH GENERAU D'ARAN
Ath delà, eth Govèrn a aprovat dejà era adjudicacion dera prumèra fasa des òbres dera carretèra de Mont e Montcorbau ara enterpresa Construccions Pirineu 2001 SL. Ues òbres que compdaràn damb un pressupòst de 265.000 € e que consistiràn en aishamplament deth viau que ges dera madeisha rotonda de Vilac atau coma dera carretèra enquiath crotze deth pòble de Mont, donques aguest punt dera carretèra presente eth traçat e es amplades originaus, damb ues condicions de servici que non son adaptades as besonhs de mobilitat existenta actuauments.
Se destinaràn 50.000 € as trabalhs de melhora deth camin d’accès a Arres de Sus a compdar deth nuclèu de Bossòst, consistenti e arranjament de dus trams deth camin vesiau.
En aguestes accions cau ahíger qu'era Comission de Servicis Tecnics dera Deputacion de Lhèida aprovèc eth passat mes de hereuèr era dusau fasa deth projècte entara melhora d’un tram de quasi 3 km dera de Vilamòs e Arres. Era accion consistirà ena melhora, condicionament, aishamplament e arranjament deth tram e compdarà damb ua inversion de 1.828.343,19 €.
Fin finau, eth Conselh Generau d’Aran destinarà enguan 1.400.000 € deth pressupòst ara mantenença e melhora des pistes forestaus d’Aran. Ena Vau d’Aran i a apròp de 400 km de pistes forestaus, des que 164 km passen per masses d’arbes des montanhes, que hèn possible er accès as paratges mès emblematics deth país.
IMATGE: CONSELH GENERAU D'ARAN
Clara Villar