Naut Aran darà 100€ a cada vesin que gaste 200€ en comèrç deth municipi

12/05/2020

Estimular era economia des establiments deth municipi dempús deth gran còp patit damb era pandèmia deth Coronavirus.

Aguest ei er objectiu que s’a fixat er Ajuntament deth Naut Aran, qu’a creat ua partida de 155.000 èuros entà dar 100 euros a cada vesin empadronat en municipi major de 18 ans que gaste 200 èuros en quinsevolh locau deth Naut Aran.

Un totau de 1.550 vesins deth municipi poiràn beneficiar-se d’aguesta mesura.

Entad aqueri que gasten mens de 200 euros, artenheràn eth 50% d’aquera quantitat.

Calerà, totun, aportar es tickets o factures tà justificar es despenses en Ajuntament deth Naut Aran.

Ath delà, es crompes que s’auràn en compde entà pr’amor d’arrecéber aguest incentiu economic, son es realizades entre er 11 de mai e eth 31 de deseme deth 2020.
Laura Rodríguez