Naut Aran apròve uns convènis de collaboracion damb eth Bisbat d’Urgell

18/02/2021

Era institucion dera glèisa a estat era protagonista en darrèr Plen extraordinari der Ajuntament de Naut Aran. En aguest sens, era session a aprovat es convènis de collaboracion damb eth Bisbat d’Urgell entara conservacion der auviatge de Salardú e Baqueira, e era cession d’emplec deth cementèri de Salardú.

Era opisicion deth Plen de Naut Aran, qu’a votat en contra, s’a mostrat fòrça critica pera aprovacion d’aguest convèni de collaboracion entar auviatge religiós entre era glèisa e eth consistòri.

Fin finau, era session plenària a aprovat de forma provisionau eth nau tèxte refonut deth Plan Especiau Urbanistic entara implantacion d’ua planta de tractament d’àrids en Arties.
Laura Rodríguez