Mocion d'UA còntra es talhs ena N-230 deth passat 2 de noveme

07/11/2017

Unitat d’Aran presentèc en darrèr Plen deth Conselh Generau d’Aran ua mocion ena quau mòstren eth sòn fèrm refús as talhs de trafic ena N-230 deth passat 2 de noveme, coma protèsta ar empresonament des conselhèrs dera Generalitat.

Des dera oposicion s’instèc ath Sindic d’Aran, Carlos Barrera, a “amiar a tèrme es gestions de besonh entà esvitar qu’aguesti talhs e retengudes se tornen a produsir”, e se demanèc as grops organizadors que cerquen ues autes vies entà manifestar-se que non perjudiquen ath territòri ne era rèsta de ciutadans.

Deuant era vaga convocada entad aguest pròplèu dimèrcles dia 8 de noveme, eth grop Unitat d’Aran demore que non se repetisquen aguest tipe d’accions, que resulten, diden, fòrça perjudiciaus entàs activitats economiques e sociaus deth país.

Manque veir coma se presente aguesta jornada de vaga en nòste territòri, mès çò de ben segur ei qu’es aranesi contunharàn seguint de ben a pròp era evolucion dera situacion actuau en Catalonha.

Clara Villar