Mès de 155.000 esquiaires an gaudit dera nhèu de Baqueira/Beret pendent es hèstes de Nadau. Ua chifra satisfasenta maugrat es pògues nheuades e es complicacions entà produsir nhèu degut a temperatures mès nautes de çò d’abituau entara epòca.

Eth 75% des pistes dera estacion aranesa demorèren dubèrtes pendent es hèstes de Nadau, uns 85 quilomètres de mejana. De toti es remontadors de Baqueira/Beret, sonque 3 demorèren barradi.

Eth bon balanç des vacances de Nadau non aurie estat possible sense eth gran esfòrç amiat a tèrme pes tecnics de montanha e pes responsables dera produccion de nhèu de Baqueira/Beret. Ua mòstra mès deth compromís dera estacion de nhèu aranesa damb era qualitat e era excelléncia. Arrasons que placen a Baqueira coma ua des estacions mès prestigioses der Estat.

Era pista de hons de Beret dejà se trape dubèrta e se demore ampliar es quilomètres dera dralhada damb es previsions de nhèu existentes enes pròplèus ores.

Tanplan, se demore que damb es previsions d’heired e nhèu se pogue daurir eth 100% des pistes dera estacion.