Aguest pròplèu dissabte, 23 de març, eth Palai de Gèu de Vielha acuelh diuèrses Master Class de Power Gums e Cardiobox.

Aguestes activitats s'amiaràn a tèrme de franc, mès es inscripcions son limitades ara capacitat dera sala a on s'impartiràn. 

Entàs 11:30 e es 18:00 auràn lòc es Master Class de Power Gums, mentre qu'entàs 19:00 s'impartirà era de Cardiobox. Es diuèrses sessions seràn a cargue der instructor Lázaro Hernández de Saragossa.

Enes sessions de Power Gums se trabalhe era resisténcia musculara, era poténcia e er equilibri, en tot emplegar gomes elastiques. Er objectiu ei aumentar era tonalitat musculara, era coordinacion, era prevencion de lesions, melhorar eth rendiment entà quinsevolh espòrt, auer un màger contròtle muscular e melhorar era circulacion dera sang.

Enes sessions de Cardiobox se combine en ua madeisha coreografia exercicis de bòxa e de fitness. Aguesta activitat preten activar tot eth còs e meter-mos en forma.

Entà inscriuer-se a bèra ua des sessions se pòt trucar ath telefon deth Palai de Gèu: 973642864 o ben hè’c ena recepcion dera pròpria installacion.

Per un aute costat, des d'aguest mes de març, s'an duplicat es sessions de zumba que s'amien a tèrme en Palai de Gèu e, ath delà, a compdar d'abriu s'implementarà ua naua modalitat esportiua: eth jumping.

IMATGE: AJUNTAMENT DE VIELHA E MIJARAN