Era jornada electorau d’aguest 21 de Deseme en pòble de Les a començat damb totau normalitat. Era escòla Alejandro Casona, coma ja ei abituau, ei eth lòc escuelhut entà amiar a tèrme es votacions. Des de prumèra ora deth maitin, era gent a anat en tot arribar en estudi sense hèr coes, entà votar. Menutes dempús des 10, era cap de lista pera demarcacion de Lhèida dera CUP-Crida Constituent, Mireia Boya, a votat, e ac a hèt damb un laç auriò ena giqueta, en tot demorar qu’era jornada se pogue desvolopar damb normalitat.

Era tranquillitat damb era que se vòte ath long deth maitin, se demore que contunhe pera tarde enquiath barrament des collègis electoraus entàs 8 deth vèspe.