Eth passat dissabte, 10 de març, es riders deth Centre de Tecnificacion en Freeride deth Conselh e membres deth Club Emotion, Abel Moga, Pòl Tellosa e Axel Tukianen, artenheren uns espectaculars resultats ena Freeride Junior Tour celebrada ena estacion austriaca de Fieberbrunn. 

Pòl Tellosa, tot e èster malaut, hec ua bona linha damb tres grani sauts (drops), en tot arténher era cincau posicion finau.

Eth sòn companh, Abel Moga realizèc ua linha que deishèc estonadi a toti damb un 360 sonque gésser e cinc drops. 

Pera sua part Axel Tukianen perdec eth contròl dempús d'un inici molt bon e queiguec de forma espectaculara mès, erosaments, tot quedèc en un espant.

En tot profitar que se celebraue era darrèra pròba, abantes dera finau en Verbier, deth Freeride World Tour, es tres representants aranesi sigueren acompanhadi e assessoradi peth TOP rider nacionau Aymar Navarro.

Damb aguesta grana actuacion Abel Moga se place ena 10au posicion dera classificacion generau mondiau, Pòl Tellosa en lòc 18 e Axel en 40.

Es pròplèus compromisi son era Freeride Junior World Championship, que se celebrarà deth 21 ath 23 de març en Kappl (Àustria) e ena que son classificadi Abel e Axel. En aqueres dates, Pòl aprofitarà tà participar, damb d'auti companhs d'Emotion, ena pròba de 2* de Piau Engaly.

Ara seguida poiratz trapar es baishades de toti tres: