Les aufrís ua agenda fòrça complèta entad aguest pònt

07/12/2017

Damb era arribada deth pònt, es municipis aranesi s'amplissen de gent e d'activitats fòrça variades entà realizar en familha o damb amics. Aguest ei cas de Les, que pendent es pròplèus dies a premanit ua agenda fòrça diuèrsi entàs sòns vesins e visitants

Aué, dijaus 7 de deseme, poderatz gaudir deth Mercat de Nadau e passejar pes carrèrs deth pòble en tot crompar productes artesanaus, de decoracion, gastronomics... 

Dissabte, 9 de deseme, tàs 16:00 ores, era Oficina de Torisme de Les aufrirà un talhèr de coaching entà joeni. Apròpa-te se vòs apréner tot çò qu'eth coaching te pòt aportar!

Eth madeish dia 9, tàs 19:00 ores, era Glèisa de Les acuelherà eth concèrt de Nadau "Voces Intimae", damb era Corala de Coserans. Part deth prètz des entrades anarà destinat ara Parròquia de Les. 

Qué demores entà passar un pònt çò de mès entretengut en Les?
Clara Villar