IX Tornèg Femenin de Fotbòl Sala de Vielha

09/04/2019

Eth Tornèg Femenin de Fotbòl Sala de Vielha qu'organize era Associacion Esportiua Fotbòl Aran (AEFA) amassa damb era Penha Barcelonista dera Val d'Aran arribe enguan ara 9au edicion, en tot auer-se assolidat coma un referent esportiu en municipi.

Pendent es dies 17 e 18 d'abriu eth Palai d'Espòrts de Vielha torne a èster er escenari d'un tornèg que compde damb era collaboracion der Ajuntament de Vielha e Mijaran.

Es inscripcions ja son dubèrtes a toti es equips que siguen interessadi en participar-i, entà formalizar-les es jogadores auràn d'aumplir era huelha d'inscripcion e liurar-la ara direccion de corrèu electronic: [email protected]abantes deth pròplèu 15 d'abriu.

Eth prètz dera inscripcion ei de 60 èuros per equipa e s'aurà de pagar es deluns, dimèrcles e diuendres entre es 17:00 e es 19:30 en Palai d'Espòrts. En cas d'èster jogadores de mens de 18 ans, auràn de liurar era autorizacion signada pes pairs/mairs.

Eth sistèma de jòc se comentarà pendent era jornada de dimars 16 d'abriu, un còp se coneishe era donada exacta d'equips que participen ena competicion e se facilitarà eth calendari de partits.

Clara Villar