ACTUALITAT
Inversions entara gestion dera recuelhuda selectiva de residus
10/02/2019
Pendent es darrèri sies mesi de 2018 eth Govèrn d’Aran invertic 472.000 euròs en infrastructures dera gestion de residus municipaus, en centre de recuelhuda de residus de Beusa, en centre de recuelhuda de Gessa e en airau de transferéncia dera perimetral de Baqueira, entà auançar ena melhora dera gestion d'aguest servici.
En aguest sens, eth Conselh Generau d’Aran a aquerit ua pala cargadora e ua maquina compactadora de papèr e carton e a bastit ua naua nau en centre de recuelhuda de Beusa, damb er objectiu d'estauviar viatges. Er impòrt d'aguestes inversions a estat de lèu 400.000 euròs.
En centre de recuelhuda de Gessa era accion consistís en renauiment deth barrament perimetral per un impòrt de 6.000 euròs.
En çò que tanh as accions amiades a tèrme en airau de transferéncia dera perimetral de Baqueira en Naut Aran, s'a renauit eth barrament e s'an installat camères damb ua inversion de 25.000 euròs qu'a anat a cargue der Ajuntament de Naut Aran e er ampliament dera zòna de compactadores a cargue deth Conselh Generau d’Aran damb un pressupòst de 50.000 euròs.
Eth Conselhèr de Territòri d’Aran, José Antonio Boya, a avalorat positivaments er hèt que damb er ampliament deth centre de recuelhuda de residus de Beusa e er aquesiment de naua maquinària, melhore eth tractament deth papèr e deth carton e tanben s'artenherà er estauviament de recorsi umans e economics en transpòrt d'aguest residu en çò que tanh ara recuelhuda laguens eth territòri d’Aran e ara ora de transportà'c tà Lhèida.
José Antonio Boya a volut arregraïr era collaboracion der Ajuntament de Naut Aran en çò que tanh as inversions en Airau de transferéncia dera perimetral de Baqueira, e un còp mès sustot era collaboracion e concienciacion des ciutadans entà arténher es chifres de reciclatge des darrèri ans ena Val d’Aran.
Enes darrèri 4 ans s'a incrementat un 25% era recuelhuda selectiva; era recuelhuda de matèria organica a incrementat eth 168% e era disminucion de generacion de rèsta a estat deth 3,9%.
Eth Conselhèr a soslinhat qu'aguestes inversions arresponen ar esfòrç deth Conselh entà arténher es objectius mercadi ena melhora dera gestion des residus en Aran e era prenuda de consciéncia dera importància de suenhar er entorn, valor de principau importància en cas dera Val d’Aran entath desvolopament sostenible e equilibrat des desparières activitats economiques que s’amien a tèrme e sustot dera activitat toristica coma principau activitat economica dera Val d’Aran.
En aguest sens, eth Conselh Generau d’Aran a aquerit ua pala cargadora e ua maquina compactadora de papèr e carton e a bastit ua naua nau en centre de recuelhuda de Beusa, damb er objectiu d'estauviar viatges. Er impòrt d'aguestes inversions a estat de lèu 400.000 euròs.
En centre de recuelhuda de Gessa era accion consistís en renauiment deth barrament perimetral per un impòrt de 6.000 euròs.
En çò que tanh as accions amiades a tèrme en airau de transferéncia dera perimetral de Baqueira en Naut Aran, s'a renauit eth barrament e s'an installat camères damb ua inversion de 25.000 euròs qu'a anat a cargue der Ajuntament de Naut Aran e er ampliament dera zòna de compactadores a cargue deth Conselh Generau d’Aran damb un pressupòst de 50.000 euròs.
Eth Conselhèr de Territòri d’Aran, José Antonio Boya, a avalorat positivaments er hèt que damb er ampliament deth centre de recuelhuda de residus de Beusa e er aquesiment de naua maquinària, melhore eth tractament deth papèr e deth carton e tanben s'artenherà er estauviament de recorsi umans e economics en transpòrt d'aguest residu en çò que tanh ara recuelhuda laguens eth territòri d’Aran e ara ora de transportà'c tà Lhèida.
José Antonio Boya a volut arregraïr era collaboracion der Ajuntament de Naut Aran en çò que tanh as inversions en Airau de transferéncia dera perimetral de Baqueira, e un còp mès sustot era collaboracion e concienciacion des ciutadans entà arténher es chifres de reciclatge des darrèri ans ena Val d’Aran.
Enes darrèri 4 ans s'a incrementat un 25% era recuelhuda selectiva; era recuelhuda de matèria organica a incrementat eth 168% e era disminucion de generacion de rèsta a estat deth 3,9%.
Eth Conselhèr a soslinhat qu'aguestes inversions arresponen ar esfòrç deth Conselh entà arténher es objectius mercadi ena melhora dera gestion des residus en Aran e era prenuda de consciéncia dera importància de suenhar er entorn, valor de principau importància en cas dera Val d’Aran entath desvolopament sostenible e equilibrat des desparières activitats economiques que s’amien a tèrme e sustot dera activitat toristica coma principau activitat economica dera Val d’Aran.
Clara Villar