Eth Kirolbet Baskonia, actuau subcampion dera Liga ACB, e participaire dera Euroliga de basquetbòl, esta hènt era sua pretemporada ena Val d’Aran. Ua oportunitat qu'eth Conselh Generau d’Aran non a volut desaprofitar entà arrecéber ara sua plantilha e ath sòn còs tecnic.

Er objectiu principau d'aguest stage ei era preparacion fisica, mès tanben era integracion des naues incorporacions a trauès d'activitats que favorisquen es relacions entre era equipa.

Non ei pas eth prumèr viatge qu'eth Kirolbet Baskonia escuelh era Val coma destinacion "ara nautada dera sua equipa", mès qu'es de Vitòria son ja uns boni coneishut en tèrres araneses. Es 980 mètres de nautada de Vielha ajuden a recargar era bateria dera equipa de cara ara sason que ven.