Eth ton constructiu e era predisposicion ath compromís an mercat eth prumèr debat sus era situacion d’Aran en Parlament de Catalonha dempús dera aprovacion dera Lei d'Aran en an 2015.

Ua session qu'a encetat eth sindic d'Aran damb ua intervencion en aranés caracterizada per reivindicar er autogovèrn aranés qu'era madeisha Lei der Aran estipule.

Er objectiu d'aguesta session a estat visibilizar es problematiques actuaus qu’era Val d'Aran afronte.

Entre eres, eth infrafinançament deth sistèma sanitari e sociau qu'eth territòri patís, o eth grèu problèma der abitatge en país.

En discors tanben s’a dat cabuda ara peticion de mès recorsi economics entà promòir e preservar era lengua pròpria d’Aran.

Ahèrs qu'an estat tractadi damb deputats des diferenti grops parlamentaris, que s'an comprometut a trabalhar entà hèr complir damb eth marc legau e auançar de forma efectiva en desplegament dera Lei d'Aran e eth desvolopament der autogovèrn.