ACTUALITAT
Eth pròplèu 23 de mai se celèbre eth romiatge de Santa Quitèria ena boca sud deth Tunèl de Vielha
13/05/2021
Dempús dera finalizacion der estat d'alarma se tornarà a amiar a tèrme aguesta hestivitat, mès en tot préner es mesures de seguretat vigentes pendent era pandémia
Eth pròplèu 23 de mai se celèbre eth romiatge de Santa Quitèria ena boca sud deth Tunèl de Vielha.
Dempús dera finalizacion der estat d'alarma se tornarà a amiar a tèrme aguesta hestivitat, mès en tot préner es mesures de seguretat vigentes pendent era pandémia.
Entàs 12:00 s'oficiarà era missa en aunor a Santa Quitèria en exterior dera capèla, se beneirà eth tèrme e i aurà repartiment dera caritat (S'era climatologia ei advèrsa, se celebrarà ena sala grana que i a ath cant).
Toti/es aqueri/es que volguen anar a celebrar Santa Quitèria, an ara sua disposicion eth transpòrt en autobús gratuït, damb gessuda des de Vielha entàs 11:30, e de tornada des dera boca sud entàs 13:15.
“Ei ua grana notícia entàs vesins de Vielha e Mijaran poder recuperar era celebracion de Santa Quitèria en airau abituau de Sant Nicolau. Mès, cau rebrembar, qu’a despièch d’auer-se acabat er estat d’alarma, era pandémia seguís presenta. S’an de respectar es normatives de seguretat vigentes entà evitar possibles contagis. Ei responsabilitat de toti/es”, comente eth baile de Vielha e Mijaran, Juan Antonio Serrano.
HÒNT: AJUNTAMENT DE VIELHA E MIJARAN.
“Ei ua grana notícia entàs vesins de Vielha e Mijaran poder recuperar era celebracion de Santa Quitèria en airau abituau de Sant Nicolau. Mès, cau rebrembar, qu’a despièch d’auer-se acabat er estat d’alarma, era pandémia seguís presenta. S’an de respectar es normatives de seguretat vigentes entà evitar possibles contagis. Ei responsabilitat de toti/es”, comente eth baile de Vielha e Mijaran, Juan Antonio Serrano.
HÒNT: AJUNTAMENT DE VIELHA E MIJARAN.
Manu Moga