Unanimitat entre toti es grops politics deth Conselh Generau d’Aran entà presentar ua mocion contra er impòst sus es emissions de dioxid de carboni enes veïculs de traccion mecanica, aprovat peth Parlament de Catalonha. 

En aguest sens, eth Plen deth Govèrn d’Aran a considerat qu’er emplec d’aguesti veïculs en zònes despoblades de montanha, coma n’ei era Val d’Aran, ei un besonh per arrasons climatologiques e dera natura des trabalhs tipics deth territòri, coma per exemple era pagesia. 

Ath delà un aute des arguments que motive aguesta demana ei era limitacion deth transpòrt public en zònes ruraus. Quauquarren que non passe enes ciutats, a on es alternatives de botjar-se damb transpòrt public son nombroses e era frequéncia ei mès nauta.

Atau, unitat en Conselh Generau, que demanarà era suspension, o au mens era reduccion, d’aguest impòst en país.