Eth Conselh modifique eth pressupòst tà crompar aparelhs medicaus

20/10/2020

Era salut e eth benèster tornen a èster en centre deth debat politic deth Plen deth Conselh Generau d’Aran. En aguest sens, era darrèra session, extraordinària, a modificat eth pressupòst destinat ar organisme autonòm deth Servici Aranés de Benèster e Salut.

En aguest sens, eth govèrn d’Aran a ahijut 250.000 èuros q’auràn er objectiu de substituïr bères des maishines emplegades en Espitau Val d’Aran.

Per un aute costat, eth Plen deth Conselh a dat lum verda a qu’a comdpar d’ara era gestion deth minjador des escòles araneses passe a èster en mans dera pròpia institucion, e non des centres educatius com ère establit enquia ara.

Fin finau, eth Plen a aprovat era pujada deth rebut des lordères en un 1% e er increment deth 2% en impòst que grave es viuendes toristiques en país. 

Laura Rodríguez