Eth Conselh milhorarà era accessibilitat deth campanau dera glèisa de Salardú

05/03/2021

Ei era glèisa de Sant Andreu de Salardú, un temple romanic bastit a fins deth sègle XII, encara que damb bèth element gotic. 

Un des tresaurs deth Naut Aran que, coma toti, requerissen de mantenement. En aguest sens, eth Conselh Generau d’Aran practicarà ues òbres de milhora dera accessibilitat ath sòn campanau. 

Aguesti trabalhs plantegen eth bastiment d’ua naua escala d’accés, era restauracion des tres estructures radiaus deth nivèu 4 e era assolidacion d’un tram d’escala qu’arribarà enquiath cincau nivèu, tà perméter eth corrècte mantenement des campanes.

Es actuacions en campanau dera glèisa de Salardú, dotades d’un pressupòst de lèu 175.000 euròs, cerquen respectar era estructura d’òbra e, sustot, méter en valor es bases de husta d’aguest campanau, que son d’un naut interès arquitectonic.

En aguest sens, eth Conselh Generau d’Aran dejà a aprovat er expedient de contractacion e licitacion d’aguest projècte. 

 

Laura Rodríguez