Eth Conselh demane ua solucion definitiua entara problematica deth baish cabau dera Garona

21/01/2019

Dempús dera grana preocupacion peth insuficient cabau dera Garona en sòn pas per Bossòst, eth Conselh Generau a demanat ara Confederacion Idrografica der Ebre ua resolucion definitiua çò de mès lèu possible.

Era situacion ei plan preocupanta, ja qu’ena Garona i abiten espècies animaus endemiques coma ei eth cas deth cabilat. Ath delà, tanben se i trape er impacte paisatgistic, que non passe desapercebut en pòble de Bossòst.

Des deth Conselh Generau d’Aran s’allegue a qu’hè 12 ans dejà s’organizèc ua amassada a on i participèren era Confederacion Idrografica der Ebre, er ACCA, eth departament d’Energia e Mines dera Generalitat, Endesa e eth madeish Conselh.

Per tant, çò que s’a demanat ei qu’era maxima autoritat en aguest ahèr, era Confederacion Idrografica der Èbre, prengue mesures entà arribar a solucions determinantes.
Laura Rodríguez