Pendent era dimenjada passada son diuèrsi es equipes deth Club Aranés d’Espòrts d’Iuèrn (CAEI) que s'an desplaçat a autes estacions d'esquí entà participar es diferentes competicions.

En U10/12 anèren tà Cerler, a on se celebraue eth prestigiós XXIV Trofèu Pitarroy; aguest trofèu concentre as melhors promeses der esquí nacionau e eth CAEI, coma non podie èster d'ua auta manèra, anèc ara competicion damb 20 esportistes dera equipa U12 e U10.

En çò que tanh as resultats, eth club hec ua bona accion. En tot començar damb es mès grani U12: SIMÓN CALZADO artenhec un 4au lòc en GS deth dissabte que somat ara sua actuacion deth SG deth dimenge pujauen ad aguest corredor ara 6au posicion dera generau ena categoria masculina.

Soslinhar era actuacion des mès petiti dera categoria, era U10, es quaus obtengueren es següents resultats: en GS deth dissabte MARTÍ UBEIRA obtenguec un 2au lòc e MAIALEN ROS tanben demorèc 2aua mès en SG deth dimenge.

Era equipa d'INTERCLUBS disputèc aguesta dimenjada eth GP CEAC en La Molina.

Eth dissabte se celebrèc eth SL ena pista Torrent Negre damb fòrça calor e nhèu fòrça pesada e humida.

Maugrat es condicions se heren diuèrsi pòdiums:

U16 dames: 1a JÚLIA FEIXA

U18 òmes: 2au GUZMÁN FERNÁNDEZ

VET B òmes: 2au PEP FERNÁNDEZ

Dimenge toquèc eth torn ath GS, tanben damb fòrça calor e nhèu fòrça pesada. Era dusau manja siguec fòrça complicada e era pista en ues condicions fòrça dolentes.

Pòdiums:

U14 òmes: 3au ALONSO FERNÁNDEZ

U16 dames: 1a JÚLIA FEIXA e 2aua IRENE ARÍS

VET B òmes: 1èr PEP FERNÁNDEZ

Era equipa d'U18/21 disputèc eth Trofèu Francesc Viladomat ena estacion andorrana de Pas de la Casa a on artenheren uns boni resultats, sustot ANA VIDAOR qu'artenhec era victòria absoluta es dus dies de competicion. ANA VIDAOR ei corredora deth CAEI mès jos era disciplina deth CETVA.

Es auti pòdiums sigueren:

CLARA ALBERT: 1a U21

JON MARTÍNEZ: 1èr U21 (es dus dies)

HÒNT: CONSELH GENERAU D'ARAN