Es òbres de reabilitacion dera Casa der Haro de Les auancen a bon ritme

25/06/2020

Es òbres de reabilitacion dera casa der Haro de Les auancen a bon ritme des deth sòn inici, a finaus deth mes de mai, mès tard de çò que s’auie previst a causa der Estat d’Alarma decretat pera pandèmia. 

Aguesti trabalhs compden damb un pressupòst de 295.000 èuros frut d’un convèni entre er Ajuntament de Les, eth Departament de Cultura dera Generalitat e eth Conselh Generau d’Aran. Era prevision ei qu’aguesta prumèra fasa de construccion acabe en 2021.

Era bastissa que se reabilite ei plaçada en un entorn patrimoniau que serà era sedença deth futur centre d'interpretacion des Hèstes deth Haro, qu’en 2015 sigueren declarades  Patimòni Immateriau dera Umanitat pera Unesco. 

Se demore, atau, qu’aguesta Casa der Haro se convertisque en un nau atractiu culturau entath municipi de Les, en tot méter en valor er arric valor istoric e culturau deth gran simbèu dera localitat

Laura Rodríguez