ACTUALITAT
Es Mossos d'Esquadra detien a dues hemnes per panar en dus establiments comerciaus de Les
14/12/2018
Agents dera Policia dera Generalitat-Mossos d'Esquadra detengueren eth dia 11 de deseme a dues hemnes, de 58 e 59 ans, de nacionalitat francesa e sense abitança coneishuda, coma presomptives autores d'un delicte de panatòri.
Es hèts succediren eth passat dimars, ath torn deth meddia, quan se produsic un panatòri en ua perfumeria d'un centre comerciau de Les.
Segons era denóncia, dues hemnes panèren diferenti productes de perfumeria e cosmetics avaloradi en mès de 700 èuros. S'eth producte portaue alarma, la desconnectauen o inutilizauen eth sistèma.
Immediataments se montèc un dispositiu policèr que permetec, pòc dempús, localizar e detier es dues hemnes quan se trobauen ath laguens d'un veïcul estacionat er un parcatge plaçat ara N-230, laguens deth tèrme municipau de Les.
Ath laguens deth torisme se localizèren es productes qu'acabauen de panar dera perfumeria e diferenti cartons de tabac.
Posterioraments, es mòssos verifiquèren que bèri uns des cartons de tabac tanben auien estat panadi ores abans en un estanc de Les.
Un còp en dependéncies policères, es investigadors trobèren indicis que restacauen es detengudes damb un aute panatòri, cometut eth mes d'agost ena madeisha perfumeria de Les. En aquera escadença, panèren productes avaloradi en mès de 600 èuros.
Es dues detengudes passèren ager a disposicion deth jutjat d'instruccion en foncions de guardia de Vielha.
Es hèts succediren eth passat dimars, ath torn deth meddia, quan se produsic un panatòri en ua perfumeria d'un centre comerciau de Les.
Segons era denóncia, dues hemnes panèren diferenti productes de perfumeria e cosmetics avaloradi en mès de 700 èuros. S'eth producte portaue alarma, la desconnectauen o inutilizauen eth sistèma.
Immediataments se montèc un dispositiu policèr que permetec, pòc dempús, localizar e detier es dues hemnes quan se trobauen ath laguens d'un veïcul estacionat er un parcatge plaçat ara N-230, laguens deth tèrme municipau de Les.
Ath laguens deth torisme se localizèren es productes qu'acabauen de panar dera perfumeria e diferenti cartons de tabac.
Posterioraments, es mòssos verifiquèren que bèri uns des cartons de tabac tanben auien estat panadi ores abans en un estanc de Les.
Un còp en dependéncies policères, es investigadors trobèren indicis que restacauen es detengudes damb un aute panatòri, cometut eth mes d'agost ena madeisha perfumeria de Les. En aquera escadença, panèren productes avaloradi en mès de 600 èuros.
Es dues detengudes passèren ager a disposicion deth jutjat d'instruccion en foncions de guardia de Vielha.
Laura Rodríguez