Es EMDS de Vielha e Mijaran auràn fibra optica enguan

06/03/2018

Telefónica iniciarà es òbres ena primauera, e ja ena tardor, es usatgèrs poiràn gaudir d'aguesta tecnologia

Totes es pedanies de Vielha e Mijaran disposaràn de fibra optica aguest 2018.Telefónica a anonciat que començarà a realizar era installacion d’aguesta tecnologia a partir dera primauera, hènt que centenats d’usatgèrs de tot eth municipi se beneficien dera fibra optica enes sues viuendes, coma ja succedís des der an passat en Vielha.

Era fibra optica ei ua tecnologia dera quau se’n beneficiarà tot eth territòri, pr’amor que se demore qu’en acabar er an, Telefónica l’aurà desplegada a toti es pòbles. Ua milhora que suposarà un auanç tà tota era societat.

Es òbres començarien a compdar dera primauera, quan ja non i age risc de nheuades, e a finaus d’octobre, serà tot prèst tà que lèu 10.000 persones se beneficien dera fibra optica.

Manu Moga