Era Val d'Aran comence ua naua setmana damb nheuades

20/02/2018

Era còta de nhèu s'establís enes 900 mètres en tot arribar a celhs de 50 centimètres en Baqueira-Beret

Era Val d’Aran torne a començar ua naua setmana damb nheuades. Era còta de nhèu ath long deth dia s’establís ath tor des 900 mètres, en tot favorir ua grana estampa blanca en bona part deth territòri. Segontes an informat des deth departament de climatologia de Meteoaran, en Vaquèira s’an acantierat mès de 50 centimètres de nhèu naua enes còtes mès anautes, mentre qu’ena còta 1500 n’i a mès de 25.

En Vielha, era nhèu s’a deishat veir damb fòrça notorietat, e maugrat non èster fòrça abondiua, s’a generat ua situacion de lipos-lapos constanta. Es temperatures se mantien ath tor des 2 e 5 grads positius pendent tota era jornada.

Es previsions mèrquen nhèu contunhada enquia meddia de dimèrcles, quan es precipitacions mos deisharàn e maugrat que i aurà bromes baishes auram diuèrsi dies sense nhèu.

En tot cas, se bèth un a previst hèr actiuetats ena montanha, calerà tier compde eth risc de lauegi, que se trape ara madeish en nivèu 4 de 5.

Manu Moga