Era UME arribe ena Val d'Aran tà ajudar en trabalhs de desinfeccion

31/03/2020

Era Unitat Militar d’Emergéncies, dejà coneishuda coma era UME, arribèc ager ena Val d’Aran des de Saragossa damb un totau de 33 efectius. 

Eth sòn objectiu, balhar supòrt enes trabalhs de neteja e desinfeccion d’espacis estrategics ena Val d’Aran.

Arrebrembam qu’era UME arribe dempús de qu’eth Sindic deth Conselh Generau d’Aran hesse ua demana en tot atier ara nauta escalada de contagis en país.

Era Val d’Aran, damb 55 casi positius de coronavirus e 3 mòrts, ei, en proporcion ara sua poblacion, un des territòris mès afectadi de Catalonha pera pandèmia

En aguesta linha, çò de prumèr que desinfectèc era UME en arribar siguec era Residéncia Sant Antòni e er Espitau Val d’Aran.

Ath delà, tanben s’a prevista era sua actuacion enes consultòris medicaus des diuèrsi pòbles aranesi e enes accèssi a espacis publics damb nauta afluéncia de gent.  

Laura Rodríguez