Era Pedals de Foc Non Stop 2020, suspenuda pera grèu crisi sanitària deth Coronavirus

17/04/2020

Era grèu crisi sanitària deth coronavirus en que mos trapam s’a saldat damb un auta victima en mon der espòrt. Se tracte dera prestigiosa pròva de BTT Pedals de Foc Non Stop, que auie mercada era sua cita en Vielha entath dissabte 27 de junh d’enguan. 

Ua edicion, ath delà, qu’aurie d’auer celebrat eth sòn 15 anniversari. Eth Club Ciclista Pedales del Mundo, era Union Europea de Ciclisme, era Real Federacion Espanhòla de Ciclisme, era Federacion Catalana de Ciclisme e es administracions, an prenut era decision de forma conjunta.

Era PDF Non Stop auie artenhut un aute viatge èster sedença deth Campionat d’Europa de Ultramaraton. 

Ath delà, es incripcions dejà s’auien activat ena sua plana web oficiau.

Ara calerà demorar enquia junh deth 2021 entà tornar a vibrar damb era pròva reina de resisténcia en BTT dera Val d'Aran: era Pedals de Foc Non Stop

Laura Rodríguez