Era PDF Non Stop 2019 daurís es sues inscripcions deman

05/02/2019

Era 14au edicion dera Pedals de Foc Non Stop (UCI C3) tornarà a èster era sedença deth Campionat d'Euròpa MTB Ultramarathon, e damb aguest dejà somarà tres ans consecutius, çò que represente tota ua hita.

Era organizacion dejà a hèt publics es prètzi e modalitats des inscripcions entà enguan, atau coma es prumères versions deth reglament intèrn e era guida tecnica dera UEC. Es inscripcions se dauriràn deman, 6 d'hereuèr.

Entara naua edicion, s'a previst un prumèr prètz d'inscripcion basic de 75 euròs, mantenguent es prètzi enes següents trams. Se manten eth sistèma d'est an passat, de forma qu'es participants disposaràn de diferents trams de prètzi en foncion dera data ena que hèsquen era inscripcion. Igual qu'ans anteriors, era organizacion disposarà de packs damb lotjament e packs entà acompanhants

Per un aute costat, eth Club Ciclista Pedales del Mundo a decidit mantier eth materiau obligatòri que toti es corredors an de portar ath dessús entà poder participar. Eth comitat organizador, amassa damb era UEC e era UCI, a manifestat era sua volentat d'èster mès estrictes en ahèr dera seguretat

D'igual forma, en realizar-se era corsa en perimètre deth Parc Nacionau d'Aigüestòrtes e Estanh de Sant Maurici, era organizacion a manifestat era sua volentat d'èster mès estrictes damb aqueri que lancen lordères pendent era pròva. 

IMATGES: Fototur
Clara Villar