Era opcion deth bastiment d'un tresau carril de Vielha a Baqueira agarre fòrça

16/10/2020

Era prepausa de qu’eth tram dera carretèra C-28 que va des de Vielha enquia Baqueira age un tresau carril reversible ei des d’aué mès apròp de convertir-se en ua realitat.

Quauquarren que s’a abordat ena amassada mantenguda en Vielha entre eth sindic d’Aran e eth conselhèr de Territòri e Sostenibilitat dera Generalitat de CAtalonha. 

Eth bastiment deth tresau carril ei dejà contemplat en Estudi de Mobilitat dera C-28  dera Generalitat, e a coma objectiu evitar es situacions de congestion veïculara que patís  ra via pendent cèrti dies der iuèrn. 

Aguesta prepausa se debaterà damb es Ajuntaments, es agents socioeconomics e era ciutadania deth país.

Per un aute costat, aguesta amassada a auut un aute èish vertebrador: era promblematica der accés ar abitatge en Aran. En aguest sens, s’a artenhut eth compromís de milhorar eth convèni vigent entre es dues administracions entà auançar en aguest ahèr. 

Un impuls que serà encara major damb era estrategia de reabilitacion de vielhes bastisses que se vò méter en marcha.

Laura Rodríguez