Dempús de mès de 3 ans de negociacions, dejà s'a signat er acòrd de transferéncia totau des servicis de prevencion, escandilhament d'incendis e salvaments dera Generalitat de Catalonha ath Conselh Generau d'Aran.

Ac a hèt eth conselhèr d'Interior dera Generalitat, Miquel Buch, e eth sindic d'Aran, Carlos Barrera, en madeish Govèrn d'Aran.

Un acòrd qu'a estat possible gràcies ara Lei 1/2015 de regim especiau der Aran. Aguesta, autorize eth traspàs dera competéncia de gestion d'emergéncies dera Generalitat entath Govèrn aranés.

S’a previst qu'eth còs d'emergéncies dera Val d’Aran sigue format per 44 persones damb contracte laborau.

Eth conselhèr d'Interior tanben a aprofitat era visita en Aran entà conéisher eth parc de Pompièrs de Vielha e Mijaran e es sòns efectius aranesi.