Era Generalitat de Catalunya traspasse era competéncia der os ath Conselh Generau d'Aran

19/10/2021

Aué s'a hèt efectiu eth traspàs dera competéncia des grani carnívors (ossi e lops), dera Generalitat ath Conselh.


Un acòrd que ja siguec aprovat en an 2018, mès que damb es cambis de govèrn en Catalonha e per dificultats administratiues, s'anèc en tot adiar enquia enguan.


A compdar d'ara, era institucion política aranesa serà qui gestionarà es decisions deuant des atacs d'aguesti animaus ath bestiar domestic, es indemnizacions as ramadèrs, eth salari as pastors que suenhen es ramats o era realizacion de talhèrs de prevencion ena zòna.


D'amb aguest traspàs dera competéncia des grani carnivors, se complís damb un des mandats dera Lei d'Aran aprovada en 2015.
Manu Moga