Era fibra optica arribarà a lèu toti es municipis d'Aran en 2021

09/10/2020

Eth desplegament dera fibra optica ei dejà mès pròp de convertir-se en ua realitat en lèu toti es municipis dera Val d’Aran. 

Atau s’a constatat ena amassada mantenguda en Conselh Generau d’Aran entre eth Conselhèr de Politiques Digitaus e Administracion Publica dera Generalitat de Catalonha e eth Sindic d’Aran. 

Ua escadença qu’a servit entà presentar eth projècte de desplegament dera fibra optica en Aran, en eth quau era Generalitat a invertit ath torn de 3.500.000 d’èuros.

Era installacion dera fibra optica se trape actuaments en òbres, en tot abordar ua prumèra fasa que connectarà eth Pòrt dera Bonaigua damb Vielha. De cara ath 2021 se preten qu’aguesta infraestructura arribe a d’auti municipis aranesi.

Sonque es municipis de Canejan e Bausen se quedarien dehòra d’aguest desplegament dera fibra optica entath 2021. 

Autant eth Sindic d’Aran com eth Conselhèr de Politiques Digitaus e Administracion Publica an coïncidit ena grana importancia dera connectivitat ara ora de generar mès oportunitats e aucupacion en país. 

Laura Rodríguez