Era Escòla d'Ostalaria de Les celèbre "Ostalween"

01/11/2018

Era Escòla d’Ostalaria de Les a volut acomadiar-se deth mes d’octobre en tot celebrar un minjar tematic. Atau, tota sòrta de motius e caracterizacions restacadi damb Halloween s’an dat cita ena Escòla d’Ostalaria: aranhes, cavòts, vampirs e sang an arribat ath centre de formacion entà celebrar eth ja coneishut com Ostalween.

Un menú bric abituau, en que s’i an trapat escalofriantes formes, colors e textures.

Damb aguest selecte listat, ne es antics alumnes s’ac an volut pèrder. En tornar ath centre que les formèc, an tornat a revíuer tot çò qu’apreneren gràcies ara organizacion d’aguest tipe d’eveniments, que sage de méter a pròva ar alumnat en tot auer-se d’afrontar damb es pòurs dera futura profession.

Aguesta naua edicion der Ostalween a compdat damb ua seishantia de persones ena taula, compdant er alumnat, professorat e gent de dehòra que non s’ac a pensat dus viatges entà apuntar-se e disfrassar-se. Aguest contacte dirècte der alumnat damb es clients ei ua oportunitat tà demostar es coneishements aquerits ena Escòla d’Ostalaria.

Ostalween ei ja un des eveniments de referéncia ena Escòla d’Ostalaria, a on quede ben demostrat er excellent ensenhament per part des professors e eth rapid aprenentatge per part des alumnes. Pr’amor qu’aguest Ostalween a deishat a toti, literalaments, com s’acabèssen de veir un hantauma: damb era boca dubèrta.

Laura Rodríguez