ACTUALITAT
Er alumnat deth Master Pre-Espitalari e Espitalari Urgent (MAPHU) dera UB ei ena Val d'Aran de practiques
29/09/2022
Un an mès, Vielha a acuelhut era preséncia der alumnat deth Master d'Atencion Pre-espitalària e Espitalària Urgenta (MAPHU) organizat peth Conselh Generau d'Aran e era Universitat de Barcelona, en mòdul d'Atencion damb Multiples Victimes e Atencion de Montanha.
HÒNT: AJUNTAMENT VIELHA E MIJARAN
Es activitats deth Master compden damb era collaboracion des Pompièrs Emergéncies, deth Servici Aranés de Benéster e Salut (SABS) e dera enterpresa Habock Aviation Group.
Es estudiants deth Master an artenhut coneishements sus materiau de montanha, maniòbres de seguretat damb elicoptèr, foncionament e estructura deth Grop de Rescat de Montanha, coneishements deth materiau de rescat d’iuèrn, rescat en lauegi, tractament en hipotermia, reanimacion de victimes enterrades e sessions d’abilitats ena atencion a multiples victimes, entre d’auti.
HÒNT: AJUNTAMENT VIELHA E MIJARAN
Manu Moga