ACTUALITAT
Er Ajuntament de Vielha e Mijaran met a disposicion d’Incasòl e promotores privades terrens de proprietat municipau entà poder bastir viuenda sociau
06/02/2023
Pendent aguesti darrèri mesi, er equip de govèrn municipau s’a amassat damb promotores entà poder aufrir solèr urban entà facilitar eth bastiment d’abitatge sociau
Vielha e Mijaran trabalhe deuant dera manca de viuenda accesibla que i a aué dia en municipi. En aguest sens, er equip de govèrn met a disposicion d’Incasòl (Institut Català del Sòl, entitat creada pera Generalitat de Catalunya entà gestionar totes es matéries d’urbanisme que son competéncia dera Generalitat) e de promotores privades, terrens municipaus entath bastiment de viuenda sociau.
D’aguesta manèra, er equip de govèrn s’a amassat damb promotores privades entà poder auançar ena generacion d’abitatge sociau (loguèr e/o de crompa), que pogue perméter as vesins e trebalhadors poder accedir a un abitatge digne.
D’aguesta manèra, er equip de govèrn s’a amassat damb promotores privades entà poder auançar ena generacion d’abitatge sociau (loguèr e/o de crompa), que pogue perméter as vesins e trebalhadors poder accedir a un abitatge digne.
Des der Ajuntament de Vielha e Mijaran existís un compromís fèrm per milhorar aguesta problematica, e pendent es darrèri ans s’an aprovat mesures qu’ajuden a mantier un parc estable de viuendes de loguèr, en tot incidir ena regulacion des abitatges d’usatge toristic e es larèrs compartidi.
En aguesti moments er equip de govèrn ei en tramits de realizar ua prepausa de modificacion en Urbanisme entà qu’eth solèr d’usatge hotelèr se pogue destinar ath bastiment de viuenda sociau e ampliar es solars disponibles en municipi.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga