Er Ajuntament de Vielha e Mijaran a aprovat en plen extraordinari era quatau modificacion de credit de çò que portam d’an.  

Quauquarren possible dempús de qu’er Estat espanhòu autorizèsse er emplec deth remanent de tresaureria des ajuntaments.

En aguest sens, eth consistòri deth cap-lòc aranés a dat lum verda a ua modificacion de 820.000 èuros. Ua quantitat que se destinarà, sustot a inversions en servicis basics coma son eth hilat d’aigües, era mantenença des vies publiques, o reformes en equipaments municipaus,  

Eth debat, totun, a virat en torn ara despensa sociau deth consistòri en tempsi de pandèmia.

Aguesta modificacion sonque a compdat damb eth supòrt dera equipa de govèrn, en tot qu’era oposicion s’a mostrat plan critica.

Fin finau, aguest Plen extraordinari tanben a dat compde dera renóncia a còsso de Maria Vergés, pr’amor qu’era Lei d’Aran estipule qu’eth cargue ei incompatible damb eth de sindica qu’aucupe ena actualitat.