Er Ajuntament de Naut Aran, mejançant un convèni damb era escòla Loseron d’Arties, fomente era lectura entre es sòns alumnes.⁣

⁣Es escolans d’aguest centre an escuelhut un total de 64 libres de diuèrses tematiques entà poder liéger cada dia ath torn de mieja ora entà promòir aguest tipe d’abituds.⁣

⁣S’a demanat as petiti/es qu’escuelhessen es libres que volien, pr’amor qu’atau se les motive ara ora de hèr aguestes activitats laguens deth club de lectura.⁣

⁣Eth baile der Ajuntament de Naut Aran, César Ruiz-Canela, destaque que “damb era crompa d’aguest materiau, volem qu’es nòsti alumnes poguen agarrar era costum de liéger e abraçar era cultura e era lectura des des edats iniciaus. Ei fòrça important entà nosati aguesta qüestion”.⁣

⁣

Ena escòla Loseron d’Arties participaràn en aguest projècte mainatges d’entre 3 a 11 ans.


HÒNT: AJUNTAMENT DE NAUT ARAN