Era Val d’Aran a confirmat aué dus naui casi positius de coronavirus entre era sua poblacion, ua chifra mès baisha qu’era d’ager ena que s’enregistrèren 4 positius.  

Damb aguesti dus naui d’aué, eth totau de casi ena Val d’Aran ei de 73 positius. Arrebrembam, ath delà, qu’eth país a auut de lamentar tanben era mòrt de 3 persones a causa deth coronavirus pendent aguestes 3 darrères setmanes de confinament. 

D’aguesti dus naui casi confirmadi, un ei resident dera Residéncia Sant Antòni e er aute ei ingressat en Espitau Val d’Aran.

Des deth Conselh Generau d’Aran s’apòste pera importància de realizar tests massius ara poblacion entà auer un major control deth contagi dera pandèmia. Per aguest motiu, eth govèrn aranés hè dies qu’a formalizat era demana d’aguesti tests.