Dubèrtes es inscripcions entara 6au Corsa dera Hemna

08/02/2019

Es inscripcions entara 6au edicion dera Corsa dera Hemna, organizada peth Servici d’Informacion e Atencion ara Hemna (SIAH) en collaboracion damb eth Conselh Esportiu dera Val d’Aran e era Associacion Volentaris Val d’Aran, dejà son dubèrtes!

Aguesta corsa aurà lòc en Vielha eth pròplèu dimenge 10 de març de 2019 laguens des actes organizadi damb motiu deth Dia Internacionau des Hemnes.

Coma ja ei tradicionau, era edicion dera Còrsa dera Hemna d’enguan se daràn tres prèmis pes següentes categories:
Absolutes hemnes; Juvenil; Sènior; Mastèr 30; Mastèr 40; Mastèr 50; Absoluts òmes.

Es inscripcions se pòden realizar online o de forma presenciau eth diuendres 8 e dissabte 9 de març pera tarde de 17:00 a 20:00 ores ena plaça deth Conselh Generau d’Aran. Eth prètz ei de 3€.

Era recuelhuda de dorsaus serà ena plaça deth Conselh Generau d’Aran, eth diuendres 8 e dissabte 9 de març pera tarde de 17:00 a 20:00 ores.
Clara Villar