Dubèrta era campanha de practiques universitàries remunerades ODISSEU

22/03/2019

Eth “Prácticum ODISSEU” aufrís era possibilitat as estudiants universitaris e de mastèr de realizar practiques universitàries remunerades en enterpreses de territòris ruraus.

ODISSEU a coma objectiu iniciau fomentar eth retorn enes zònes ruraus d’origina a joeni formadi, a trauès deth contacte e era implicacion des principaus agents que subervien ena sua transicion: es universitats e centres de formacion, es enterpreses locaus, es institucions e administracions qu’intervien enes politiques de desvolopament rurau, d’emplec e de creacion d’enterpreses e de joenessa.

Aguest projècte ei impulsat pera Direccion Generau de Desvolopament Rurau deth Departament d’Agricultura, Ramaderia, Pesca e Alimentacion (DARP) e era Direccion Generau de Joenessa deth Departament d’Ahèrs Sociaus e Familhes dera Generalitat de Catalonha, a compdar d’ua iniciatiua conjunta dera Fondacion deth Mon Rurau e dera Associacion d’Iniciatiues Ruraus de Catalonha, damb era collaboracion des Grops d’Accion Locau Leader de Catalonha e eth hilat de professionaus de joenessa.

Es estudiants universitaris interessadi ena realizacion des practiques se pòden méter en contacte damb era Oficina de Joenessa deth Conselh Generau d’Aran mejançant era sua web. Eth temps d'inscripcion finalize eth 12 de mai.


Clara Villar