Dempús dera pròva inaugurau celebrada en Sierra Nevada en gèr, era Copa Espanha Audi U14/U16 dera RFEDI se reprenec era darrèra dimenjada en Astún (Aragon), a on es esquiaires deth Club CEVA tornèren a obtier boni resultats.

Isabella González Barot deth Club CEVA demostrèc un còp mès eth sòn gran estat de forma aguesta sason damb era tresau plaça en Super Gigant inaugurau U14 femenin e era dusau posicion en SL U14. Isabela, se classifiquèc 4au en GS U14 femenin en tot barrar atau era sua excellenta participacion en aguesta pròva dera 2AU Fasa de Copa Espanha en Astún.

Es esportistes deth Club CEVA en sòn conjunt barrèren ua esplendida competicion ena 2au Fasa dera Copa Espanha Audi de Astún damb era 5au plaça de Guillermo MeireGarcía en SL U16 e era tanben 5au posicion d'Eugenia Brotons Batista en GS U16. Pera sua part en U14 cau destacar era 6au plaça d'Andrea Rodríguez Elosegui e AlfonsoCubillo Goytre en GS, e era tanben 6au posicion de Víctor Bultó-Gil Vernet en SL U14 masculin. Aguesti resultats meten en evidéncia eth gran trabalh que realizen es entrenadors e tecnicians deth Club CEVA damb es equipes de competicion deth club.

Tanben aguesta dimenjada era equipa de Freeride Jordi Tenas deth Club CEVA a tornat ara competicion damb era sua participacion en Eldorado Freeride Junior de Ordino-Arcalís***, que maugrat demorar-se as pòrtes deth pòdium damb era 4au posicion de Martina Marset, eth grop a gescut refortilhat en tot somar ua experiéncia positiva dempús que toti es riders complissen damb es objectius tecnics ena execucion des sues linhes. Pendent eth sòn sojorn en Andòrra, eth grop podec entrenar e perfeccionar trucs aeriani en 360 extreme ath delà de conéisher a referents coma Drew Tabke um des riders damb mès experiéncia deth Freeride World Tour.

Info e fotos: Club CEVA