Jos eth lèma SOS Economia Val d’Aran, eth Grèmi d’Ostalaria d’Aran a convocat ua concentracion aguest pròplèu dijaus 26 de noveme, tàs 12 deth meddia ena plaça dera glèisa de Vielha.

Aguest sector, un des mès afectadi pera pandèmia dera Covid-19, reclame, entre d’autes causes,  ajudes efectives entà pr’amor de compensar eth barrament des sòns negòcis en Aran. 

Pr’amor que des deth Grèmi, afirmen, era Generalitat non a auut en compde era realitat dera Val d’Aran, plan diferenta dera de d’auti territòris catalans. 

Ei per açò que toti son convidadi a préner a part en aguesta concentracion que s’amiarà a tèrme dijaus.

Toti amassa en ua luta ena que se vò transméter eth mau qu’era pandèmia dèishe ena Val d’Aran a on eth sector toristic e de servicis represente mès deth 80% deth PIB.