Dejà se pòt visitar era exposicion "Vestir era Mòda" en Sant Joan d'Arties

16/03/2018

Era glèisa de Sant Joan d’Arties dejà a inaugurat era sua naua exposicion “Vestir era Mòda”, que se poderà gaudir cada tarde de 5 a 9 de deluns a dissabte en aguest espaci culturau enquiath 5 de mai.

Laguens d’aguesta exposicion, cau destacar un vestit de bateg procedent dera Val d’Aran deth sègle XIX e deth quau, per ara, se desconeish era origina. Se demore que, damb motiu d’aguesta mòstra, se pogue arribar a trapar ara familha proprietària.

Musèus dera Val d’Aran a organizat ua desfilada entà atrèir a un major nombre de visitants, qu'aurà lòc diuendres, 30 de març, tàs 18:00 ores ena madeisha glèisa.

Er Hilat de Musèus des Tèrres de Lhèida e Aran a editat eth catalòg “Vestir era Mòda”, un recuelh d’aguestes pèces de ròba damb informacion detalhada de cadua, e que se poirà aquerir ena madeisha Glèisa de Sant Joan.

Clara Villar